Connect with us

Khutbah Jumat

NALIKA KECEWA, KAMANA HATE NYARANDE?

Published

on

Kecewa

السَّلَامُ عَلَيْكُمْ وَرَحْمَةُ اللهِ وَبَرَكَاتُ

الْحَمْدُ لِلَّهِ الَّذِي جَعَلَ الْقُلُوْبَ تَطْمَئِنُّ بِذِكْرِهِ، وَجَعَلَ الرَّاحَةَ فِي الرِّضَا بِقَضَائِهِ. نَحْمَدُهُ تَعَالَى وَنَشْكُرُهُ، وَنَسْتَعِينُهُ وَنَسْتَغْفِرُهُ، وَنَعُوْذُ بِاللَّهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللهُ فَلَا مُضِلَّ لَهُ، وَمَنْ يُضْلِلْهُ فَلَا هَادِيَ لَهُ. أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ اللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ، أَمَّا بَعْدُ فَيَا أَيُّهَا الْحَاضِرُوْنَ إِتَّقُوا اللهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُوْنَ فَقَالَ اللهُ تَعَالَى فِي الْقُرْآنِ الْعَظِيمِ : وَلَا يَأْتَلِ أُولُو الْفَضْلِ مِنْكُمْ وَالسَّعَةِ أَنْ يُؤْتُوا أُولِي الْقُرْبَى وَالْمَسَكِيْنَ
وَالْمُهَجِرِيْنَ فِي سَبِيْلِ اللَّهِ وَلْيَعْفُوا وَلْيَصْفَحُوْا اَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ.

Sagala puji kagungan Alloh, anu sagala perkara moal lumangsung iwal ku idzin
Manten-Na. Moal aya nikmat anu sampurna iwal ku Rohmat-Na, sarta moal aya
kahadéan anu kahontal iwal ku Taufik sinareng Hidayah-Na.
Sholawat sareng salam mugia salawasna dilimpahkeun ka jungjunan urang Nabi
Muhammad SAW, anu parantos maparin tuntunan nu jelas kana jalan ka Alloh, lain
ngan ukur ku lisan, tapi ogé ku conto amal jeung kaikhlasan

Jama’ah Jum’ah anu dimulyakeun ku Alloh…

Ampir kabéh diantara urang pasti kungsi ngarasa kecewa, utamana ti jalma nu
dipercaya nu pernah dibere tulung bahkan nu pernah deukeut dina kahirupan
urang. Tapi, nu jadi pertanyaana: Nalika hate urang kecewa, kamana hate urang
kudu nyarande?
Urang tiasa nyokot ibroh, pelajaran tina kisah sohabat Abu Bakar ash-Ṣiddīq
Raḍiyallāhu ‘anhu. Dina hiji waktu, anjeunna terang yén salah sahiji dulurna, Mishṭah
bin Utsatsah jalma nu salila ieu dibere nafkah, dibere bantuan ku anjeunna ternyata
manehna miluan nyebarkeun fitnah kanu jadi putrana ‘Āisyah raḍiyallāhu ‘anhā,
dina kajadian Ifki (fitnah anu gede).

Kacida gede rasa kecewana nu karasa ku Abu Bakar waktu harita, sahingga
anjeunna sumpah, “Demi Alloh, ti ayeuna kuring moal mere deui nafkah, bantuan ka
Mishṭah ari kitu mah.”

Tapi, Alloh SWT langsung negor Abu Bakar ku ayat:

وَلْيَعْفُوا وَلْيَصْفَحُوا، أَلَا تُحِبُّونَ أَنْ يَغْفِرَ اللَّهُ لَكُمْ

“Mugia maranéhanana ngahampura jeung lapang dada. Naha aranjeun teu kabita
Alloh ngahampura aranjeun?”. (QS. An-Nūr: 22)

Sanggeus ngadenge ayat ieu, Abu Bakar segruk ceurik bari nyarita; Tangtu, kaula
hoyang dihampura ku Alloh.” Tuluy anjeunna mere deui nafkah jeung bantuan ka
Mishṭah sakumaha biasa.

Tingal… Sanajan sakitu nyeri hatena ku dulur sorangan, sahabat Abu Bakar tetep nu
jadi sandaran hatena mayun ka Alloh, lain kana nafsu amarah.

Ma‘āsyiral Muslimīn Rohimakumulloh…

Dinten ayeuna, terkadang di antara urang ngalaman carita nu sarupa mungkin dina
bentuk anu beda.
Saperti: Aya kolot nu ngabiayaan sakola dulurna, tapi sanggeus manehna suksés,
dulur éta mutuskeun silaturahmi. Aya babaturan nu dibelaan, dibantu ti mimiti nol,
tapi sanggeus hasil, malah hianat, ngarebut usaha urang bahkan mungkin urang
pernah dihianati ku pasangan sorangan

Hadirin… Satuluyna naon anu kudu ku urang dilakukeun dina kaayaan saperti kitu?
Lamun hate urang disandarkeun kana amarah, maka hate jeung pikiran urang bakal
diliputan ku rasa dendam. Tapi lamun urang miconto kana pelajaran sohabat Abu
Bakar di luhur, maka urang bakal madep hate ka Allah Dzat Nu Maha Nyaho eusina
hate, sarta Maha Adil dina sagala balasan.
Dina kitab al-Ḥikam, Syaikh Ibnu ‘Aṭā’illāh as-Sakandarī nyarios:

لَا تَرْجُو شَيْئًا سِوَى اللهِ، فَقَدْ خَابَ مَنْ رَجَا سِوَاهُ

“Ulah ngarep-ngarep kana naon wae salian ti Alloh. Sabab geus pasti rugi jalma nu
ngagantungkeun harepanana ka salian ti Anjeun-Na”

Lamun urang keur kaayaan hate kecewa, sabenerna Alloh keur mepelingan urang,
yén harepan nu sajati ngan ukur ka Anjeun-Na. Mungkin Alloh nyebabkeun batur
nganyerikeun hate ka urang, supaya urang leuwih deukeut jeung manten-Na. Sabab
lamun henteu kitu, bisa jadi urang terus ngagantungkeun harepan ka mahluk, lain ka
Nu Nyiptakeunnana

Atuh ku kituna… lamun hate urang kungsi dihianati, disakiti, difitnah ku batur bahkan
ku jalma nu deukeut, inget ka sohabat Abu Bakar nu pernah keuna fitnah oge. Inget
kana dawuh Alloh. Kecewa teh lain pikeun ngaruksak, tapi pikeun nguatkeun
bergantungna hate urang ka Gusti Alloh.

Jama‘ah Jum‘ah Rohimakumulloh…

Hayu urang kuatkeun deui taqwa urang ka Alloh. Jadikeun rasa nyeri, rasa kecewa,
jeung rupa-rupa ujian minangka jalan pikeun leuwih deukeut urang ka Manten-Na,
lain malah ngajauh ti Alloh. Sabab hiji-hijina tempat hate berlabuh teu sieun disakiti,
tempat nyandarkeun harepan tanpa kekecewaan, ngan ukur ka Alloh anu Maha
Rohman.

بَارَكَ اللهُ لِي وَلَكُمْ فِي الْقُرْآنِ الْعَظِيمِ، وَنَفَعَني وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيمِ، وَتَقَبَّلَ مِنِّي وَمِنْكُمْ تِلَاوَتَهُ
هُوَ السَّمِيعُ الْعَلِيمُ.

KHUTBAH KEDUA

أَلْحَمْدُ لِلَّهِ حَمْداً كَثِيرًا طَيِّبًا مُبَارَكًا فِيْهِ، كَمَا يُحِبُّ رَبُّنَا وَيَرْضَى وَأَشْهَدُ أَنْ لَا إِلَهَ إِلَّا اللَّهُ، وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، اَللّهُمَّ صَلِّ وَسَلّمْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ وَسَلَّمَ تَسْلِيمًا كَثِيرًا، أَمَّا بَعْدُ. فَيَا أَيُّهَا النَّاسُ أُوْصِيْكُمْ وَإِيَّايَ بتقوى اللهِ فَقَدْ فَازَ الْمُتَّقُونَ. وَقَالَ تُعَالَى إِنَّ اللَّهَ وَمَلَائِكَتَهُ يُصَلُّوْنَ عَلَى النَّبِيِّ يَا أَيُّهَا الَّذِيْنَ آمَنُوا صَلُّوْا عَلَيْهِ وَسَلَّمُوا تَسْلِيمًا. اللَّهُمَّ صَلَّ وَسَلَّمْ وَبَارِكْ آمِيْنَ يَارَبَّ الْعَالَمِيْنَ. اللَّهُمَّ اغْفِرْ لِلْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَاتِ، إِنَّهُ سَمِيعٌ قَرِيْبٌ مُجِيْبُ الدَّعَوَاتِ وَيَا قَاضِي الْحَاجَاتِ. اَللَّهُمَّ اجْعَلْنَا مِنَ الْمُتَوَكِلِينَ عَلَيْكَ، الرَّاضِيْنَ بِقَضَائِكَ، الصَّابِرِينَ عَلَى بَلَائِكَ، الرَّاحِيْنَ لِرَحْمَتِكَ. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ.
فيَا عِبَادَ اللهِ إِنَّ اللهَ يَأْمُرُ بِالْعَدْلِ وَالإِحْسَانِ، وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ العَظِيْمَ يَذَكُرُكُمْ وَاشْكُرُوهُ عَلَى نِعَمِهِ يَزِدْكُمْ، وَلَذِكْرُ اللَّهِ أَكْبَرْ

وَالسَّلَامُ عَلَيْكُمْ وَرَحْمَةُ اللهِ وَبَرَكَاتُهُ

Continue Reading
Click to comment

Leave a Reply

Alamat email Anda tidak akan dipublikasikan. Ruas yang wajib ditandai *

Copyright © 2023 Miftahul Huda Pusat.

Cover
Radio Santri
Murottal, Kajian, dan Sholawat
🔉 🔊
دوستان و هم دشمنان بدانند ملت ایران در هیچ میدانی به صورت طرف ضعیف حاضر نخواهد شد/ یقه جنایتکار نباید رها شود. تعمیر سونا و جکوزی 09121507825.