HIRUP JEUNG MAOTNA HATE MANUSA

Riyadloh Malam Kamis
KH. Ahmad Sya’ban
Pondok pesantren Miftahul-Miftahul Huda

Hiji waktos Amirul Mu’minin Sayid Umar Ibnul Khottob naros ka
sohabat Ubay Bin Ka’ab tentang takwa. Lajeng ubay ngawaler
semu naros: “Eta anjeun kumaha lamun ngaliwat jalan anu loba
cucuk”? Saur Sayid Umar ngawaler “nya kudu ati-ati”.
Tah eta Taqwa saur Ubay Bin Ka’ab.

Dauhan Alloh Swt.

إِنَّ أَكْرَمَكُمْ عِنْدَ اللَّهِ أَتْقَاكُمْ ۚ

“Pang Mulyana Manusa payuenuen Alloh eta anu pang taqwana”

Ku hal eta, teu aya deui pagawean anu berkelas mungguh Alloh
kajaba taqwa, tegesna ngalaksanakeun parentah Alloh kalayan
sampurna, ngajauhan anu dilarang ku Alloh kalayan ikhlas.
Kanjeng Rosul nyaurkeun:

“Teu aya kaunggulan hiji jalma dibanding jalma sejen ku agamana
tegesna ku amal ibadah”. (HR. Al-baihaqi)

Abdulloh bin Mubarok nyaurkeun:
“Kuring nempo yen dosa bisa ngmaotan hate, ku ngalangge-
ngkeun dosa nimbulkeun kahinaan. Ari ninggalkeun dosa matak
ngahirupkeun hate, jeung bakal leuwih alus lamun teu ngagugu
kana pidosaeun”.